Kur ka vetëm një ditë që ka lënë spitalin, pasi ishte i shtruar nga COVID-19, kryeministri britanik Boris Johnson është tashmë i shëruar nga koronavirusi.
Mësohet se Johnson ka rezultuar negativ në testin e fundit për COVID-19 të cilit i është nënshtruar.
Kryeministri britanik doli nga spitali St. Thomas në Londër të dielën, një javë pasi u shtrua për shkak të koronavirusit, ndërkohë që kaloi disa etapa të sëmundjes, madje edhe në terapi intensive para se të niste rrugën e shërimit.
Në një video-mesazh publik në “Tëitter”, nga shtëpia e tij kryeministri britanik shprehu falënderimet më të thella për të gjithë personelin mjekësor, që i shpëtoi jetën dhe që po luftojnë çdo ditë në vijën e parë të betejës me virusin e frikshëm.
“Është e vështirë të gjesh fjalët për të shprehur borxhin tim ndaj mjekëve, që më shpëtuan jetën. Së bashku do ta kapërcejmë këtë sfidë, pasi kemi kapërcyer aq shumë sfida në të kaluarën”, shkruan Johnson.
