Pas disa orë kërkimesh gjendet turisti polak i cili ishte aksidentuar në majën e Harapit në Theth.
Banorët po bëjë transportin e tij drejt qendrës shëndetësore me Theth por terreni është tejet i vështirë.
Problem mbetet gjendja shendetesore e turistit. Raportohet se aktualisht në Theth nuk ka mjek, ndërkohë që gjendje e tij është e rënduar.
Turisti u rrëzua pasditen e sotme (rreth orës 19:00). Për shkak të terrenit të vështirë ishte e pa mundur ndërhyrja e menjëhershme. Kanë qenë banorët ata që kanë lajmëruar emergjencat.
Informacioni i Policisë:
Policia e Shkodrës dhe banorët e zonës i vijnë në ndihmë turistit polak
Rreth orës 19.00, shtetasi W. M., 20 vjeç, turist nga Polonia, duke eksploruar zonën e Thethit, ka dëmtuar këmbën në disa shkëmbinj në majën e Harapit, në Theth Shkodër.
20-vjeçari ka njoftuar në numrin 112 duke kërkuar ndihmë, pasi nuk ecte dot për shkak të dëmtimeve të marra në këmbë.
Për shkak të orës së vonë dhe errësirës, ishte i pamundur dërgimi i helikopterit dhe në këto kushte punonjësi i policisë së zonës Theth ka njoftuar banorët, të cilët së bashku me Policinë janë vënë në kërkim të turistit.
Rreth orës 21.30, banorët e zonës së bashku me punonjësin e Policisë kanë bërë të mundur gjetjen e turistit polak, si dhe transportimin e tij deri në rrugën e makinës. Më pas 20-vjeçari është transportuar me autoambulancë në qendrën shëndetësore të Thethit dhe pas ndihmës së parë mjekësore rezultoi se nuk ka asnjë problem për jetën dhe as dëmtime serioze fizike.
Turisti polak W. M ka falënderuar banorët e zonës dhe policinë që i erdhën në ndihmë duke i shpëtuar jetën.
Policia e Shkodrës gjen rastin të falënderojë edhe njëherë banorët e zonës së Thethit, të cilët i janë përgjigjur thirrjes së Policisë në çdo rast që u është kërkuar për t’u ardhur në ndihmë turistëve dhe vizitorëve të huaj, duke treguar dhe përcjellë tek ata vlerat më të mira të vendit tonë.
(M.Q/Faxweb.al)
