Pas dorëheqjes, dosja e Armando Prengës transferohet në Gjykatën e Kurbinit

Gjykata e Lartë nuk është kopetente mbi gjykimin e ish-deputetit Armando Prenga, kjo pas dorëheqjes së tij nga mandati. Kështu dosja e Prengës pritet të transferohet në Gjykatën e Kurbinit.

Mirëpo edhe pse vendimi për transferimin e dosjes pritej të bëhej gjatë ditës së sotme, kjo nuk ndodhi për shkak se Gjykata e Lartë konstatoi se KQZ akoma nuk e ka përcjellë dorëheqjen nga mandati te kolegji Penal i gjykatës.

Kështu proseci u shty për në datën 27 mars. Nga ana tjetër, një nga personat e kërkuar si dëshmitar nga Gjykata, Gjergj Cali, tregon se Kolegji Administrativ ka vendosur të pezullojë dy vendime të gjykatave të shkallëve më të ulëta, të cilat i hiqnin të drejtën familjes Prenga për të administruar lagunën. (D.D/Shuplaka)