Pas dorëheqjes së Agron Tares nga posti i tij si drejtor i përgjithshëm i Autoritetit Portual Durrës, fill pas 10 muajsh në detyrë, është emëruar drejtori i ri.
“Bulevard News” mëson se vendin e tij në këtë post e ka zënë Pirro Vëngu, një emër jo pak i njohur në qarqet politike shqiptare.
Pirro Vëngu ka shkuar në Athinë që kur ishte foshnje dhe pas gjimnazit që mbaroi në Athinë dhe mori nënshtetësinë greke, shkoi në Francë për studimet e larta. Familja e tij kishte vazhdimisht lidhje me politikën dhe gjyshi i tij ka qenë funksionar i lartë i regjimit të Enver Hoxhës. Kur u kthye nga Franca, u bë pjesë e elitës së Partisë Socialiste dhe u gjend në pozicionin e shefit të kabinetit.
Në periudhën kur ky i fundit ka qenë shef kabineti në Ministrinë e Jashtme pranë Ditmir Bushatit, Greqia e kërkoi për të përfunduar shërbimin e detyrueshëm ushtarak, pasi rezultonte shtetas me pashaportë greke, lajm që mori jehonë jo vetëm në mediat shqiptare, por edhe ato greke.
Vëngu, më pas, ka mbajtur postin si drejtor në njësinë e Antikorrupsionit në Kryeministri, ndërsa tani pritet të mbajë postin e drejtorit të përgjithshëm të portit më të madh në Shqipëri.
Discussion about this post