Pas dorëheqjes së Vasilit, LSI gati për të zgjedhur kryetarin e ri. Zgjidhet data e Konventës

Pas humbjes së zgjedhjeve të 25 qershorit, ku LSI synonte të dilte forcë e parë, kryetari Petrit Vasili  dha dorëheqjen. Sot kjo forcë politike po pregatitet për zgjedhjen e kryetarit të ri.

Katër ditë pas dorëheqjes së Vasilit, LSI njofton se do të mbledhë Konventën Kombëtare Zgjedhore, të mërkurën e 5 korrikut.

Konventa e cila do të nisë në orën 18:00, do të zhvillohet për të zgjedhur kryetarin si edhe zv.kryetarin e kësaj force politike.

“Lëvizja Socialiste për Integrim zhvillon ditën e mërkurë, më datë 5 korrik Konventën Kombëtare Zgjedhore. Konventa starton në orën 18:00 e do të mirëpresë delegatët e LSI nga e gjithë Shqipëria për të zgjedhur Kryetarin dhe Zv.Kryetarin e ri të partisë”, njofton LSI. (D.D/Shuplaka)