Pas drejtorave, shkarkime dhe te punonjësit e doganave për përfshirje në fushatë (EMRAT)

Pas shkarkimeve në nivel drejtorash duket se tashmë i ka ardhur rradha dhe punonjësve të thjeshtë në Administratë.

Kështu Ministria e Financave ka kërkuar hetim për dy punonjës të doganave që janë përfshirë në mënyrë direkte në fushatë.

Ata janë: Misto Kano, punonjës në Doganën e Kakavijës dhe A. Hamza, punonjës në doganën e Tiranës.

Me krijimin e Task-Forcës së drejtuar nga zëvendëskryeministrja Ledina Mandija ka pasur një numër mjaft të lartë zyrtarësh që janë shkarkuar nga administrata për shkak të përfshirjes së tyre në fushatë.

‘’Nisur nga ky rast, Ministria e Financave kërkon nga të gjithë punonjësit e institucioneve të varësisë qe të zbatojnë me përpikmëri detyrat funksionale në perputhje me legjislacionin në fuqi.

Ministria e Financave përfiton nga rasti t’ju bëjë thirrje qytetarëve që të denoncojnë rastet e evidentuara nga ana e tyre të përfshirjes së punonjësve të administratës në varësi të kësaj ministrie ne aktivitetet partiake. Ata jane të lutur që të na shkruajnë ose të na dërgojnë foto apo filmime në numrin 0676054545. (Whatsapp, Viber)’’, thuhet ndër të tjera në njoftim. (E.K/SHUPLAKA)