Kryeministri Edi Rama duket se ka vendosur t’u kushtojë më shumë kohë qytetarëve, duke qëndruar me ta në vaktet më të rëndësishme të ditës. E përjashtim në këtë rast nuk bën as e shtuna.
Këtë mëngjes pranveror, kreu i Qeverisë ka zgjedhur ta kalojë me pensionistët, duke marrë me vete edhe kryebashkiakun Erion Veliaj. Të gjithë atmosferën e kafes së mëngjesit me ta, Rama e ka cilësuar “Studio e hapur opinionesh të ekspozuara”.
Në bashkëbisedimin me ta, Rama ka folur për Vettingun fillimisht duke theksuar rolin e tij në organet e drejtësisë. “Historia është e lidhur me reformën në drejtësi. Opozita ka alergji reformën në drejtësi.” Për t’u ndalur më pas tek pensionistët dhe rëndësia që kanë ata për Rilindjen Urbane.
Duket se Rama ka vendosur t’ia kushtojë këtë ditë pensionistëve, duke qenë se edhe “Mirëmëngjesi” i tij ka pasurnë fokus një gjyshe, “imazh plot dritë fisnikërie” siç e ka cilësuar ai.
Mëngjesi me pensionistët vjen pas drekës së djeshme me peshkatarët në Durrës, ku ishte i pranishëm edhe kryebashkiaku i qytetit bregdetar, Vangjush Dako.
(XH.A/SHUPLAKA)
Discussion about this post