Pas dy humbjeve Shqipëria zbret në renditjen e FIFA-s

Shqipëria zbret akoma më shumë në renditjen e FIFA-s pas dy humbjeve të fundit.

Kuqezinjtë janë të 66-ët në renditje duke humbur 12 pozicione që prej muajit mars.

Rezultatet me Italinë dhe Bosnje-Hercegovinën  ndikuan në këtë klasifikim dhe Kombëtarja ka pozicionimin më të dobët në 3 vitet e fundit.

Shqipëria nuk ka fituar një takim prej ndeshjes me Lihtenshtejnin dhe 4 humbjet radhazi në ndeshje zyrtare dhe miqësore kanë përkeqësuar pozitat tona në FIFA.

Më lart se Shqipëria pas Spanjës e Italisë tani është edhe Izraeli që pavarësisht humbjes së 7 pozicioneve nga muaji i kaluar është i 63, në renditjen për kupën e Botës Rusi 2018.

Pas mbeten vetëm Maqedonia dhe Lihtenshtejni. Përfaqësuesja maqedonase është ngjitur me 33 pozicione në nga muaji i kaluar dhe Italia me 3 vende.

Klasifikimi kryesohet nga Brazili që ka kaluar Argjentinën.  (M.D/ Shuplaka)