Për lajmin e publikuar dje nga “Shuplaka” ku dyshohet se është përfshirë në aksident Drejtori i Policisë së Gjirokastrës nga ku mbeti i plagosur një person ka reaguar vetë policia.
Sipas policisë pas publikimit të lajmit Drejtori i Policisë Gjirokastrës për të provuar mos përfshirjen në këtë ngjarje ka kërkuar që automjeti të cilin ka në përdorim t’i nënshtrohet aktit të ekspertimit nga grupi hetimor të kryesuar nga Prokurori.
“Njëkohësisht është njoftuar nga vetë Drejtori Vendor edhe Shërbimi për Çështjet e Brendeshme dhe Ankesat, për t’u përfshire në verifikimin e rastit. Ndërkohë nga Policia e Tepelenës vijon puna për identifikimin e automjetit që shkaktoi aksidentin, si dhe për kapjen dhe arrestimin e drejtuesit të automjetit.”, thuhet në njoftimin e policisë.
Mbrëmjen e djeshme “Shuplaka” publikoi afër vendit të ngjarjes një video ku shfaqet një makinë e cila teksa ecën rikthehet prap mbrapsht dhe dyshohet se mund të jetë e Drejtorit të Policisë. Megjithatë nuk është e verifikuar ende nëse bëhet fjalë për të njëjtën makinë që përmend i plagosuri Axhem Mërtiri sot në prononcimin e tij për “Shuplakën”.
Kujtojmë që Axhem Mërtiri, i aksidentuari në ngjarjen e dyshimtë, ku po përflitet se është i përfshirë një drejtor policie deklaroi sot në një prononcim për “Shuplakën” tha se ka qenë me vajzën e tij, kur është goditur nga një makinë dhe ka rënë pa ndjenja. Mjeti nuk ka qëndruar menjëherë duke u rikthyer në vendin e aksidentit pas 500-600 metrove po me çfarë ka marrë vesh nga çfarë i është thënë nga policia, mjeti ka qenë me targa false. (J.V/Shuplaka)
Discussion about this post