Forcat speciale të mbështetura nga Policia e Vlorës kanë zhvilluar gjatë natës një operacion në zonën e Lapardhasë në Vlorë ku janë kontrolluar disa banesa si dhe kanë sekuestruar një sasi të vogël kanabisi.
Derimë tani nuk ka persona të arrestuar ndërkohë që priten operacione të tjera në të gjithë vendin.
Duket se policia e shtetit po kryen kontrolle në disa prej qyteteve më problematike, sa i takon krimit në vend, dy javë përpara mbajtjes së zgjedhjeve lokale, që sipas qeverisë do të jenë në 30 Qershor.
Gjatë aksionit që u zhvillua dje në Elbasan u arrestuan 11 persona, një pjesë e të cilëve anëtarë të fisit Çapja, po nuk munguan dhe anëtarë të AMA-s dhe persona të tjerë që punonin në administratën lokale.
Personat e arrestuar në Elbasan:
- Marjus Lulaj (alias Suel Çela), 31 vjeç, lindur dhe banues në Elbasan “Lagjia 5 Maji”, aktualisht person i shpallur në kërkim për një tjetër vepër penale.
- Endri Çopja, 30 vjeç, lindur dhe banues në Elbasan, aktualisht i ndaluar për një vepër tjetër penale dhe vendimi ndaj këtij shtetasi u ekzekutua në ambientet e IEVP Elbasan.
Për Proçedimin Penal nr. 1121 viti 2012 nga hetimet e zhvillura ka rezultuar se autorë të kësaj ngjarje janë shtetasit:
- Ervis Bardhi, 38 vjeç, lindur në Kavajë dhe banues në Elbasan, “Lagjia Shënkoll”, i cili është shpallur në kërkim.
- Etien Cani, 28 vjeç, lindur dhe banues në Elbasan “Lagjia Çlirimi” i cili është shpallur në kërkim.
Si rezultat i hetimeve u arrit që përmes provave ligjore të dokumentohej aktivitetit korrruptiv i shtetasve të mëposhtëm, si dhe u ekzekutuan vendimet e Gjykatës së Rrethit Gjyqësor Elbasan për të cilët është caktuar masa e sigurisë “Arrest me Burg” për veprat penale: “Korrupsioni aktiv i personave që ushtrojnë funksione publike”, “Korrupsioni aktiv i funksionarëve të lartë shtetërorë ose të zgjedhurve vendorë” dhe “Shkelja e të drejtave të pronësisë industriale” parashikuar nga nenet 244, 245/1,2, dhe 149/a,
- Bledar Karaj, 39 vjeç, lindur dhe banues në Elbasan,
- Adem Boriçi, 61 vjeç, lindur e banues në Elbasan.
- Andrea Nathanaili, 67 vjeç, lindur Sarandë dhe banues në Tiranë.
- Suela Musta, 40 vjeç, lindur dhe banues në Tiranë.
- Izmir Hajdari, 51 vjeç, lindur dhe banues në Tiranë.
- Artan Drazhi, 34 vjeç, lindur dhe banues në Elbasan,
- Shkelqim Sula, 38 vjeç, lindur dhe banues në Labinot Mal-Elbasan, i cili u shpall në kërkim
- Ervin Tahiri, 40 vjeç, lindur dhe banues në Tropojë,
(E.K/Faxwevb.al)
