Pas Elbasanit Policia zbarkon në Vlorë, ç’po ndodh tani në qytetin bregdetar

Policia ka shtrirë aksionin për kontrollin e makinave luksoze dhe personat në kërkim edhe në Vlorë. 
Qyteti bregdetar njihet për prezencën e elementëve të cilët janë pjesë e kontigjenteve kriminale kryesisht të trafikut të drogës.

Ky operacion është kryer nga “Delta Force”, dhe vjen pas atij që u zhvillua dje në qytetin e Elbasanit. Drejtori i Përgjithshëm i Policisë tha dje se operacioni do të shtrihet edhe në qytete të tjera të vendit. 

“Në këtë kuadër shpreh gadishmërinë e të gjithë Policisë së Shtetit, ministrit Xhafaj për një luftë pa kompromis ndaj organizatave kriminale. Jemi të vendosur për t’i vënë para përgjegjësisë ligjore, por edhe për të konfiskuar të gjitha pasuritë e këtyre individëve që cënojnë shtetin.

Duke zbatuar dhe porositë e ministrit Xhafajt kemi marrë këtë operacion që do të shtrihet edhe në qytetet e tjera. Falenderojmë qytetarët e Elbasanit, dhe i sigurojmë ata që do të jemi të vendosur të garantojmë rendin dhe sigurinë”, u shpreh Haki Çako nga Elbasani.

(E.K/SHUPLAKA)