‘’Më lini të mbaroj, nëse keni ndonjë fakt shkoni dhe ja thoni Prokurorisë, ja me rradhë me rradhë, duhet të merrni informacion”, këto kanë qenë vetëm disa nga ngritjet e tonit të zërit nga ana e ministrit të Brendshëm Fatmir Xhafaj.
Duhet thënë se Xhafaj është një nga ministrat më të qetë, po situata në rradhët e qeverisë prej javësh tashmë nuk është më e qetë.
“Nëse keni ndonjë fakt plus jepjani Prokurorisë. Tre oficerët e Policisë nuk kanë qenë nën vëzhgimin tonë, ne e kemi marrë vesh vetëm në momentet që janë lëshuar urdhër-arrestet. Nëse ju dini më shumë se ne, patjetër duhet të ia thoni Prokurorisë. Nuk ka rëndësi çfarë grupi është, kushdo që i shmanget Policisë do të përballet me ligjit.
Në Shqipëri ka shumë grupe të strukturuara kriminale, kini durim ju dhe të tjerët për të parë se çdo të ndodhë. Është e drejta juaj që të bëni komentet, marrëdhënia ime me Prokurorinë është marrëdhënie instiotucionale”, u shpreh më te Xhafaj teksa komentoi arratisjen e tre ish-oficerëve të Policisë në Vlorë.
Discussion about this post