Pas emrit të koduar, zbulohet identiteti i plotë i autorit të sulmit në Stamboll (EMRI)

Pak ditë më parë, mediat turke bënë me dije se autori i sulmit me 39 viktima në klubin e natës “Reina”, njihej me emrin e koduar “Ebu Muhammed Horasani”.

Së fundmi, mësohet se është bërë i ditur identiteti i plotë i terroristit të masakrës në Stamboll, ku humbën jetën 39 persona dhe u plagosën rreth 69 të tjerë.

Mediat turke, ndër to “HurriyetDailyNeës” shkruan se policia turke ka identifikuar militantin e ISIS-it si Abdulkadir Masharipov, me origjinë nga Uzbekistani.

Sulmuesi mbërriti në Stamboll nga provinca qendrore e Konias më 15 dhjetor 2016, duke pasur të inskenuar sulmin e 1 janarit. Sipas informatave të marra kohët e fundit, një qelizë e ISIS në Konia, e cila përbëhet nga uzbekistanët ka vazhduar të ofrojë mbështetje logjistike për Masharipov, emri i koduar i të cilit është “Ebu Muhammed Horasani”. Masharipov vijon të mbetet në arrati. (XH.A/SHUPLAKA)