Pas fitores ndaj Lihtenshtejnit, Odise Roshi i cili shënoi golin e parë për kuqezinjtë është shprehur se skuadra kundërshtare mund edhe të kishte bërë ndonjë surprizë gjatë kohës që ndeshja ishte akoma 1-0.
Në një dalje për mediat, menjëherë pas përfundimit të ndeshjes, Roshi është shprehur i kënaqur që trajneri Panucci e besoi si titular.
“Unë bëj punën time, por në futboll ndodhin të gjitha. E falenderoj trajnerin që më aktivizoi si titullar. Personalisht jam shumë i kënaqur, sepse me rëndësi në këtë takim ishte vetëm fitorja.”
Pjesë nga biseda me gazetarët:
“ A pata frikë se mund të na barazonin ata?
Eh… Lihtejnshtejni me Luksemburgun i kanë edhe emrat të ngjashëm. E mendova për një moment se mund të bënin edhe ata diçka, por më pas u sigurova se do të fitonim ne.
Sa i përket mikut tim bekim Balaj, ai është në Barcelonë duke u kuruar në një klinikë të specializuar dhe po ecën mirë.
Mos depërtimi në qendër?
Trajneri më ka kërkuar që unë të qëndroj sa më shumë në krah”, tha Roshi për “Supersport” pas ndeshjes.”
Ndeshja e sotme Shqipëri-Lihtenshtejn është mbyllur me rezultatin 2:0 për kuqezinjtë. Shqiptarët e nisën me vrull ndeshjen e sotme, ku kishin mjaft shanse për të shënuar, mirëpo goli i parë u bë vetëm në minutën e 54’, kur Odise Rroshi zhbllokoi shifrat me një goditje të prirët në zonë pas një topi të nisur nga goditja e këndit.
Më pas, në minutën e 78’, Agolli thellon rezultatin duke shënuar golin e dytë. (D.D/Shuplaka)
Discussion about this post