Kryeministri Edi Rama ka zhvilluar një intervistë për televizionin “France24”, ku ka folur për situatën ekonomike dhe politike në vend.
Që në fillim të intervistës, gazetarja e “France 24” e ka pyetur për Reformën në Drejtësi, pastaj për kultivimin e kanabisit, pyetje të cilës Rama nuk iu përgjigj drejtpërdrejt.
“Në mandatin e parë keni thënë se do shikoni pikërisht sektorin e kanabisit dhe në fakt duket si një sektor i cili po rritet dhe jo po reduktohet.”, iu drejtua gazetarja-Ramës.
“Këtë vit kemi patur një kthesë të fortë në formë U-je për kultivimin e kanabisit. Ne kemi pasur një formë U-je, një ulje dramatike. Kam besim të plotë që në fund të vitit kultivimi i kanabisit ka për të qenë histori. Mund të jemi të dobët ekonomikisht por nuk po vdesim urie. Jemi të varfër si vendet e rajonit. Kemi pasur rritje 3%.
Kemi besim se do shkojë 5 %. Kemi pasur mbështetje nga emigrantët. Le të themi që shteti shqiptar nuk është i pasur, shqiptarët janë të varfër por jo aq sa mund të thonë shifrat, pasi ka para që vijnë nga emigracioni dhe është edhe ekonomia informale”, ishte përgjigja e kryeministrit. (D.D/Shuplaka)
Discussion about this post