Kreu i PD-së Lulzim Basha është duke drekuar me ambasadorin Donald Lu.
Lu dhe Basha po drekojnë në një lokal në zonën e ish-bllokut. Nuk dihet ende se çfarë po diskutojnë konkretisht.
Basha gjatë fjalimit të tij në parlament theksoi se marrëveshja e tij me Ramën e arritur më 18 maj, përfundoi me zgjedhjet e 25 qershorit. Teksa u shpreh se “thelbi i marrëveshjes së 18 majit ishin zgjedhjet e lira dhe të ndershme. Ndaj dhe zgjedhjet e 25 qershorit shënuan edhe vdekjen e kësaj marrëveshjeje”, u shpreh Basha.
Më tej Basha shtoi : “Aleanca e pandërprerë e Ramës me krimin dhe shitblerja e votave me paratë e drogës dhe të korrupsionit e vranë marrëveshjen. Zgjedhjet rikonfirmuan problemin numër 1 të Shqipërisë: vjedhjen dhe tjetërsimin e vullnetit të Shqiptarëve për hir të pushtetit personal dhe privat të Edi Ramës”. (J.V/Shuplaka)
Discussion about this post