Pas formimit të qeverisë së re, deputetë të rinj mund t’i shtohen Kuvendit (EMRAT)

Pas zgjedhjeve të 25 qershorit, Kryeministri Edi Rama ia doli ta merrte i vetëm timonin e qeverisjes ashtu siç kishte kërkuar. Plot 74 mandate ka siguruar Partia Socialiste për në Parlamentin e ardhshëm. Tanimë të gjithë sytë janë se kush do të jenë ministrat e qeverisë së re e cila do krijihet në shtator.

Përflitet se ministrat e rinj do jenë Fatmir Xhafaj, Taulant Balla, Ditmir Bushati, Arben Ahmetaj, Mimi Kodheli, Erion Braçe, Blendi Klosi, Lindita Nikolla, Ogerta Manastirlliu, Eduart Shalsi, Milva Ekonomi, Damian Gjiknuri. Ndërsa zvëvendesministri Niko Peleshi përflitet se do jetë përsëri në të njëjtin post.

Mirëpo, nëse kryeministri Edi Rama ua heq mandatet e deputetit këtyre 12 ministrave hipotetikë, 12 deputetë të rinj mund t’i shtohen Parlamentit shqiptar.

Duke parë listat e kandidatëve në qarqet e ndryshme, plot 13 deputetë mund t’i shtohen Parlamentit të ri, nëse ministra do të shpallen deputetët e lartpërmendur.

Kështu, nëse Ogerta Manasterliu, Fatmir Xhafaj dhe Arben Ahmetaj, i lënë mandatet e tyre në Tiranë, listës së deputetëve të Tiranës do t’i shtohen edhe Spartak Braho, Elio Hysko dhe Milena Harito.

Ndërkohë, nëse Erion Braçe lë mandatin në Fier, Gentiana Cakrani e cila është e 11 në listë, i bie t’i shtohet Parlamentit.

Në Lezhë, me largimin e Lindita Nikollës vjen Ardjana Jaku, ndërsa në Kukës me largimin e Mimi Kodhelit ngjitet lart në renditje Safet Gjici.

Sakaq, nëse Eduart Shalsit dhe Niko Peleshit po ashtu u hiqen mandatet, lart në renditje do ngjiten Ardit Konomi dhe Enslemvera Zake.

Ndërsa në Elbasan me largimin e Taulant Ballës nga lista e deputetëve vjen Lorenc Spaho. Sakaq në Shkodër kemi Paulin Lulin si një deputet të ri që i bashkohet parlamentit, nëse Ditmir Bushatit i hiqet mandati.

Sakaq në Berat kemi Arben Konomin , pas largimit të Blendi Klosit, ndërsa në Durrës Altin Kazaj në vend të Milva Ekonomit.

Ndërsa në Vlorë, nëse Damian Gjiknurit i hiqet mandati, Hetjona Hoxha është ajo që ngjitet në renditje.

Theksojmë se ende nuk ka asgjë zyrtare, mirëpo emrat e përmendur si ministra të rinj janë më të favorizuar edhe për shkak se pjesa më e madhe e tyre janë edhe në qeverisjen aktuale, si Peleshi, Shalsi, Ahmetaj, Kodheli, Nikolla, Gjiknuri, Ekonomi, Bushati.

Ndërsa Klosi, Xhafaj dhe Manastirlliu janë shkarkuar për t’u lënë vendin ministrave të rinj, mirëpo me shumë gjasa do të rikthehen sërish. Prurje të reja i bie të jenë vetëm Erion Braçe dhe Taulant Balla.

DEPUTETËT E RINJ

TIRANË

1.Spartak Braho

2.Elio Hysko

3.Milena Harito.

FIER

1.Gentiana Cakrani

LEZHË

1.Ardjana Jaku

KUKËS

1.Safet Gjici

KORÇË

1.Ardit Konomi

2.Enslemvera Zake

ELBASAN

1.Lorenc Spaho

SHKODËR

1.Paulin Luli

BERAT

1.Arben Konomi

DURRËS

1.Altin Kazaj

VLORË

1.Hetjona Hoxha (D.D/Shuplaka)