Pas gjestit humanitar të të burgosurit shqiptar Alket Rizai, emri i tij gjendet kudo nëpër mediat dhe portalet greke.
Qytetarët grekë janë mallëngjyer pas veprimit të Rizait, i cili nga burgu ka arritur të mbledhë fonde nga të burgosurit në burgun e Domokos për një vogëlushe 8-vjeçare e cila vuante nga kanceri.
Lajmin për këtë kontribut e ka bërë të ditur gjyshi i vajzës, gjatë një edicioni lajmesh. Pas rrëfimit të tij lajmi mori dhenë dhe grekët kanë filluar të kërkojnë faljen e tij.
DISA NGA KOMENTET NË PORTALET GREKE:
“Uau! Jemi të ngazëllyer. Një tip i dënuar për një seri vrasjesh mafioze, arratisje nga burgu, zhvatje, trafik droge…na qënka bërë një donator i dashur”., – shkruan një komentues.
Dikush tjetër u përgjigjet: Po ti çfarë bërë për të ndihmuar? […] Për mua nuk quhet Alket Rizai, quhet thjesht një njëri, human”.
“Nga sot, Alket Rizai do të quhet z.Alket Rizai”, ndërsa një tjetër komenton me ironi:
“Sa djalë i mirë dhe i urtë! Ti harrojmë dënimin e përjetshëm, trafiqet e drogës, vrasjet…një godfather brenda dhe jashtë burgut. I mblodhi disa euro dhe tani le t’a lemë të lirë…”.
“Pavarësisht nga e kaluara e djallit shqiptar, shpejtimi i tij për të ndihmuar duhet vlerësuar”., – shkruan një tjetër komentues në lajmin e postuar tek portali grek Neësbeast.gr.
Kujtojmë se vogëlushja vuan nga kanceri dhe gjendja e saj është mjaft e rëndë, saqë është e detyruar që të udhëtojë nga Kreta për në Britani të Madhe, për të marrë një trajnim më të specializuar.
Kështu, dhjetra njerëz të njohur dhe të panjohur kanë kontribuar me para për të bërë të mundur transferimin e Evangelia-s në Britani, pasi familja e saj nuk ka para mjaftueshëm. Mes tyre bën pjesë edhe shqiptari i burgosur Alket Rizai. (D.D/Shuplaka)
