Trajneri i Skënderbeut, Ilir Daja, nuk ka dashur të flasë shumë gjatë në përfundim të takimit të humbur në Kukës.
I zhgënjyer nga humbja e titullit kampion, ai ka ironizuar me gjyqtarin e ndeshjes në deklaratën e dhënë për “Gol pas Goli”.
“Jam menduar mirë për të dalë në konferencë sot, por dola për të respektuar mediat sepse keni pasqyruar një kampionat të gjatë e të vështirë. Kam dalë për respekt të investimeve të klubit që kanë ndërtuar një ekip kaq të mirë që kam fatin ta drejtoj. Kam dalë për lojtarët për atë që kanë bërë gjatë gjithë kampionatit, sidomos nën drejtimin tim. Nuk kam ç’të them sa i përket çështjeve tekniko-taktike, i uroj Kukësit kampionatin. Ne i kemi respektuar në fushën e lojës edhe pse ishim me dy lojtarë më pak.”, u shpreh Daja.
Ndërsa për gjyqtarin ka deklaruar se nuk beson që na ka penalizuar gjyqtari por ka qënë lojtari më i mirë në fushë. “Nuk besoj që na ka penalizuar gjyqtari, ka qënë lojtari më i mirë në fushë. Kam thënë që para ndeshjes që janë në gjendje të mbajnë një takim të tillë dhe arbitrat tanë. Nuk e di pse Federata nuk vendosi për gjyqtarë të huaj, por sot arbitri nuk e di ç’ka bërë, gjykojeni vetë.
Është e vështirë të gjykoja unë që nga stoli, por me 2 kartonë të kuq, me 1 penallti të diskutueshme, me një të mohuar që ishte dhe karton i dytë i verdhë për lojtarin e Kukësit në minutën e 50 e ca dhe do mbeteshin në lojë me numër të barabartë lojtarësh më pas, Jorgji në këtë moment ishte shumë larg, duhet të ishte afër aksionit për të ndërhyrë. Megjithatë me këtë dozë emocionale që kam tani, mos më lejoni të vazhdoj, sepse po shoh dhe këtë lloj penalltie të këtij gjykimi.:, ja thënë Daja për Panorama Sport. (J.V/Shuplaka)
Discussion about this post