Futbolli shqiptar ka regjistruar disa parregullsi dhe incidente në fundjavë me ndeshjet e programuara si dhe më herët në Kupën e Shqipërisë.
Sipas “Top Channel” edhe pse në shkallë të vogël, disiplina e FSHF-së ka përdorur ndëshkimet financiare për të treguar se nuk do të tolerojë.
Klubi i Skënderbeut u gjobit me 50 mijë lekë për sjellje të gabuar të spektatorëve në ndeshjen kundër “Flamurtari”.
Po ashtu korçarët u paralajmëruan se në rast përsëritje do të përshkallëzohen masat disiplinore. Gjithashtu Flamurtari u dënua me 150 mijë lekë gjobë në total për shkak se incidentet e tifozëve u regjistruan në dy ndeshje.
Po shtu me nga 50 mijë lekë u dënuan nga disiplina edhe Partizani e Laçi, ndërsa sanksioneve nuk i shpëtoi as Tirana madje me dyfishin e “Demave të kuq”, pavarësisht se luan në një ligë inferiore. Bardheblutë u dënuan me 100 mijë lekë për incidentet e tifozëve në ndeshjen e fituar me Ilirinë.
(S.SH/Shuplaka)
