Çdo fundvit RTSH organizon Festivalin e Këngës, ku marrin pjesë këngëtarë të njohur nga Shqipëria dhe Kosova. Por këtë vit nuk kanë qenë të pakta debatet dhe kundërshtimet për këtë festival.
Ylli Limani, këngëtari ka konkurruar vitin e kaluar me këngën “Shiu”, por duket se ka dalë i zhgënjyer nga ky festival.
Ylli ka qenë një ndër të ftuarit e emisionit “Thumb” me Aulonën dhe Fatmën dhe është pyetur pse nuk ka marrë sërish pjesë në këtë festival,
“Nuk është që më ka lënë aq shije të mirë festivali i RTSH. Unë e deklaroj që në Festivalin e RTSH-së nuk do të marr kurrë pjesë, të paktën si këngëtar. Vetëm si tekstshkrues do marr”.- ka thënë Ylli për mikrofonin e Thumb. (J.V/Faxweb)
