Ditën e djeshme u njoftua për gjetjen e një koke të një njeriu në zonën e Karbunarës në Vlorë. Koka e dekompozuar kishte edhe një vrimë ccka të shtyn të mendosh se mund të bëhet fjalë për një vrasje të mundshme.
Mirëpo ditën e sotme nga Vlora njoftohet se janë gjetur pjesë të tjera të skeletit, gjymtyrët e poshtme. Ato ajnë gjetur jo shumë larg vendit ku u gjet dje koka e dekompozuar.
Ngjarja dje:
Një kokë e një njeriu është gjetur u gjet dje në qytetin e Vlorës, e më konkretisht në fshatin Karbunarë. Koka është gjetur e shkëputur nga trupi dhe në një pjesë të saj është e dallueshme një vrimë.
Policia e Vlorës e ka çuar për ekzaminim kokën, ndërkohë që po punohet për gjetjen e trupit të saj. Koka u gjet nga një bari i zonës, në një parcelë toke.
Koka mendohet të ketë rreth tre muaj që është shkëputur nga trupi. Gjatë ekspertimit paraprak mësohet se kokës i kanë munguar disa dhëmbë. Identifikimi i kokës pritet të jetë i vështirë.
Detajet e policisë:
Ditën e djeshme rreth orës 13:55, në fshatin Karbunarë, në rrugën e vjetër të këtij fshati është gjetur një “kokë njeriu”, në një zonë të pyllëzuar. Policia pasi ka shkuar menjëherë në vendngjarje dhe ka konstatuar se koka është e dekompozuar.
Priten ekzaminimet laboratorike në lidhje me identifikimin dhe të çdo detaji tjetër në lidhje me këtë ngjarje. Vazhdojnë hetimet për sqarimin e rrethanave dhe për dokumentimin e plotë të ngjarjes. (E.K/SHUPLAKA)
Discussion about this post