Pas dorëheqjes së Drejtorit të Tatimeve të Tiranës Stefanaq Koto vetëm pak ditë më parë, një tjetër emër ka dhënë sot dorëheqjen. Burime për ‘’SHUPLAKËN’’ thanë se Mimoza Kalija drejtoreshë e Tatimpaguesve të Mëdhenj apo bizneseve VIP siç quhen ndryshe ka dhënë dorëheqjen nga ky post.
Nuk dihet se cila ka qenë arsyeja e kësaj dorëheqje, po kjo ka ardhur disi e papritur, pasi në një kohë kaq të shkurtër janë larguar dy emra të rëndësishëm.
Ajo e kishte marrë këtë post menjëherë pas ardhjes në pushtet të Partisë Socialiste në tetorin e vitit 2013. Emërimi i saj u bë nga drejtoresha e atëhershme e tatimeve Briseida Shehaj.
Deri në atë moment Kalia ka qenë shefe te Drejtoria e Përgjithshme për Procedurat. Asaj i është ngarkuar një ndër misionet më të vështira, ku qeveria pret që të mbledhë pjesën kryesore të të ardhurave buxhetore nga tatimet dhe taksat prej biznesit të madh.
Mimoza Kalia është gjithashtu pedagoge në Fakultetin e Ekonomisë të Universitetit të Tiranës. (E.K/SHUPLAKA)
Discussion about this post