Kreu i Kuvendit, Ilir Meta është përfshirë në debatin për ligjin e arsimit. Gjatë fjalës së tij me studentët në Tiranë ai u shpreh se nuk është arritur suksesi i pritur nga ajo reformë.
“Kjo ka ndodhur mendoj për arsye ne edhe kur i bëjmë ligjet e mira, ende vazhdojmë të çalojmë në zbatimin e tyre. Pra që tek aktet nënligjore, që te bashkëpunimi deri në zbatim me të gjithë grupet e interesite kështu me rradhë. LSI e ka ngritur këtë shqetësim edhe në debatet për diskutimin e ligjeve për arsimin e lartë edhe para se të miratohen në Kuvend edhe kur është miratuar në Kuvend. Çështja e suksesit të një ligji nuk ka të bëjë thjesht me statistikat por për ne është rëndësishme është që asnjë i ri dhe re të mos ndihet i lënuar nga një reformë.”, u shpreh Meta.
Vetëm pak ditë më parë Monika Kryemadhi u shpreh se pavarësisht pozicionimeve, deklaratave, LSI i ka qëndruar korrekte marrëveshjes me PS dhe me qytetarët.
Sigurisht me luhatjet e veta për problematika të ndryshme. LSI ka qenë prezente në çdo problematikë. Ne e kemi dhënë votën tonë pavarësisht kundërshtimeve dhe amendamenteve. Nëse ta kemi dhënë votën për arsimin e lartë ta kemi dhënë me kushtin që pastaj të miratoheshin aktet nënligjore. Kanë kaluar 2 vjet dhe aktet nënligjore nuk janë miratuar. Po të pyesësh Ilir Metën mund të flasë ndryshe, është çështje këndvështrimi. Unë nuk kam qenë pjesë e marrëveshjes.”, u shpreh Kryemadhi. (J.V/Shuplaka)
Discussion about this post