Me afrimin e datës së zgjedhjeve të parashikuara që të mbahen me datë 30 qershor të këtij viti në të cilat opozita ka deklaruar se nuk do të marrë pjesë pa largimin nga pushteti tëq kryeministrit Edi Rama, axhenda e kryedemokratit Lulzim Basha është ngjeshur me takime të shpeshta.
Ai gjatë ditës së sotme kishte një takim me kryetarët e partisë në rrethe por pas këtij takimi ai ka mbledhur kryetarët e bashkive që drejtohen nga e djathta.
Siç bëhet e ditur, takimi ka nisur në orët e pasdites në selinë e Partisë Demokratike, dhe të pranishëm kanë të gjithë kryebashkiakët e djathtë.
Takimi ka zgjatur më shumë se 1 orë e 30 minuta dhe mësohet se kryetemë e tij ka qenë diskutimi për aksionin opozitar.
Kujtojmë se gjatë paradites ashtu siç edhe ishte përfolur nëpër media, është vendosur që me datën 11 maj në orën 18:30, të zhvillohet protesta e 4-të kombëtare e opozitës.
(F.GJ/FAXWEB.AL)
Discussion about this post