Pas kurimit, kthehen nga Italia 2 të mbijetuarit e tërmetit të 26 nëntorit

Dy të mbijetuar nga tërmeti katastrofik i 26 nëntorit janë kthyer sot nga Italia pas kurimit disa mujor në shtetin fqinj.

Bëhet me dije se në atdhe kanë mbërritur Marlin Shkodra (30 vjeç i mbijetuar nga termeti në Durrës) dhe Albert Cara.

Ky i fundit humbi të gjithë familjen e tij duke gdhirë 26 nëntori i vitit të shkuar në Thumanë ku u shemb pallati pas lëkundjeve 6.4 të shkallës Rihter.

Lëkundjeve i shpëtuan vetëm vëllai i tij, Albert dhe vajza e xhaxhait, Lindita Cara. Nusja e vëllait me tre fëmijët e të fejuarën e djalit, nusja e xhaxhait dhe mbesa e saj u ndanë nga jeta në mënyrën më tragjike, nën rrënojat e një prej tre pallateve që u shembën totalisht në Thumanë.

Alberti humbi bashkëshorten Fatmirën, vajzën Erisa, djalin Hasan, Almirin dhe të fejuarën e tij Stela. Nën rrënoja mbetën të pajeta edhe Anthi Cara, nusja e xhaxhait të Alberit, dhe mbesa e saj Sadajana. Lindita Cara, vajza e xhaxhait të Albert Carës (nëna e Sadajanës) u shpëtua mrekullisht, teksa u nxorr e gjallë kur mund të kishte mbi 15 orë nën rrënoja.