Tashmë e mbetur jashtë Parlamentit, Valentina Leskaj rrëfen mbi jetën e saj private. Ndërsa ishte e ftuar në emisionin “Rudina”, Leskaj për herë të parë nuk flet më për politikën siç ka bërë për 15 vite me radhë, por ndjesinë e të qënit vjehrrë, gjyshe dhe grua.
Leskaj, ish-nënkryetarja e Parlamentit dhe një ndër zonjat më elegante në politikë, flet për marrëdhënien e saj me bashkëshortin Astritin. Ajo shprehej se ai e ka ndihmuar atë në politikë, duke e çmuar për atë që ajo është.
“Nuk preferoj të them “më ndihmon burri”, nuk është çështje që më ndihmon burri në politikë. Nëse ti nuk e bën dot politikën, le të shkojë burri. Ne duhet t’i ndihmojmë gratë të bëjnë politikën, të dy e ndihmojmë politikën, por ajo që unë çmoj më shumë tek ai është që ai ka ditur të çmojë atë që unë jam, ashtu siç unë kam çmuar atë që ai është.”, pohoi Leskaj.
Leskaj nuk është më vetëm bashkëshorte dhe nënë, por është bërë edhe gjyshe e tre nipave dhe e një mbese.
Ndërsa fliste për djemtë dhe nipërit e saj, Leskaj është shprehur se një “peng” që i ka mbetur gjatë këtyre viteve, është se për shkak të politikës nuk ka kaluar shumë kohë me fëmijët e saj.
“Nga fillimi dhe deri tani kanë qenë model, fëmija edukohet me modelet e prindërve. Unë e kam ndier këtë defiçit për kohën fizike, kam keqardhje që nuk i kam shijuar, por jam e lumtur që dy djemtë e mi kanë zgjedhur rrugën e tyre më të mirë…”, tha politikanja. Gjë e cila me siguri do të ndryshojë tani që nuk është më pjesë e politikës, ndërsa kohën e humbur me fëmijët do ta kompesojë me nipërit. (D.D/Shuplaka)
Discussion about this post