Pas vendimit të gjykatës për të liruar nga burgu bashkëshortin e gjyqtares Majlinda Andrea, ka reaguar gazetari i njohur i kronikës Flamuz Vezaj.
Nëpërmjet një shkrimi në Facebook, Vezaj ironizon lirimin e Odhise Andreas i cili akuzohet se i ka marrë para klientit të tij, pavarësisht se ishte avokat i caktuar nga shteti.
“Se si kishte përfundu ky AVOKAT në “listën” e avokatëve kryesisht që i cakton SHTETI kur të arrestuarit nuk kanë lekë, këtë se mora vesh!!!! Odhise Andrea që i mori 50 mijë euro borxh P.Dashit, sipas tij, u lirua!”, shkruan Vezaj.
Sipas gazetarit, ky rast provon se pushtetarët reagojnë vetëm kur kanë interesa për vete dhe jo se u intereson se çfarë bëhet me drejtësinë.
Shkrimi i plotë:
“Gjykata e Lartë, vendosi me 3 vota pro dhe 2 kundër, lirimin nga qelia të Odhise Andreas, bashkëshortin e gjyqtares së pezulluar Majlinda Andrea!
Gjykata, pranoi kërkesën e AVOKATIT të caktuar nga SHTETI (se vet burri gjyqtares “ska lekë” të paguaj) që t’i ndryshohet masa, nga “arresti me burg” në “arrest shtëpie”.
Se si kishte përfundu ky AVOKAT në “listën” e avokatëve kryesisht që i cakton SHTETI kur të arrestuarit nuk kanë lekë, këtë se mora vesh!!!! Odhise Andrea që i mori 50 mijë euro borxh P.Dashit, sipas tij, u lirua!
P.Dashi që ia dha borxhin vazhdon të rri në burg!!! Dhe ata që ia dhanë lekët për të zgjidh hallin në gjykatë borxhliut të Odhiseut edhe pse të SEMURE vazhdojnë me masë sigurie!!!! JA PRA KJO ËSHTË DREJTËSIA E TË LARTËVE U lirua nga ish-kolegët e bashkëshortes së tij dhe asnjë nga pusht-etarët nuk doli të denoncoi gjyqtarët për lirimin e tij, siç bëjnë për ndonjë që i prek interest e tyre.
Ja kjo provon edhe njëherë se pushtetarët reagojnë vetëm kur kanë interesa për vetë e jo se i plas shumë për drejtësinë, gjyqësorin, reformën etj etj! #drejtesia_me_100_standarter#” (D.D/Shuplaka)
