Ndërkohë që sot pritej vendimi i Kolegjit për ankimimin e PAA-së për datën 18 Qershor, Partia e Dukës ka hequr ankesën.
Kjo për shkak se sot në orët e para të mëngjesittë sotëm, u arrit marrëveshja mes kryeministrit Rama dhe kreut të opozitës Lulzim Basha.
Tashmë duket se palët kanë rënë dakord që data 18 qershor nuk mund të jetë më data e zgjedhjeve.
Vetë Duka është shprehur se për sa kohë që është arritur marrëveshja nuk ka pse të vijojë ky ankimim. Ndërkohë që sot pritet të zbardhen të gjitha pikat e marrëveshjes mes palëve.
Rama dhe Basha përveç thënies se marrëveshja ishte arritur ishin mjaft të kursyer mbrëmë.
‘’Sapo u bë marrëveshja vendimi e humb sensin sepse ne padinë e kishim bërë për të shtyrë datën e zgjedhjeve, kur kjo bëhet me dakordësi, në një akord politik mendoj që nuk ja vlen më që të vazhdojmë ta ndjekim në rrugë juridike. Në këto kushte u tërhoqëm nga padia.
E ka humbur sensin, nuk ka më logjikë. Derisa ka një marrëveshje që filloi me 10 kryetarë partish dhe pastaj përfundoi me dy kryesorë, nuk ka më sens që ne të vazhdojmë të padisim njëri-tjetrin. Për datën e zgjedhjeve nuk ka dijeni, besoj se nësë merret pikë për pikë zbatimi i paketës McAllister data do të jetë me 16 korrik, por mbetet për tu parë’’, u shreh Duka për ‘’Ora News.
(E.K/SHUPLAKA)
