Pas qëndrimit në burg për 567 ditë, ish-kreu i burgjeve, Artur Zoto ka fituar pafajësinë për të cilën do të fitojë një dëmshpërblim të konsiderueshëm në para.
Sipas informacioneve paraprake Zoto do të fitojë 1.72 milion lekë kompensim për vuajtje dënimi të pamerituar.
Ky vendim është marrë nga Gjykata Administrative e Tiranës.
Kujtojmë se Artur Zoto u arrestua në shkurtin e vitit 2017-të për skandalin e tenderit me ushqimet e të burgosurve, aferë korruptive për të cilën ka përfunduar në burg edhe ish-zëvendësdrejtori i Përgjithshëm i Burgjeve, Iliaz Labi. Ky i fundit për shkak të statusit të bashkëpunëtorit të drejtësisë 3 vite që ai duhet të kalonte në qeli iu konvertuan në shërbim prove.
Ish-drejtori i Burgjeve Zoto akuzohej se së bashku me Labin, i kthyer në bashkëpunues të drejtësisë drejtësisë, favorizonin një grup biznesmenësh, të cilët hynin në tendera fiktivë dhe i fitonin ato.
Prokuroria e Krimeve të Rënda për të ndërtuar akuzën e saj bazohej edhe tek një sërë telefonatash të përgjuara, ku njëri prej biznesmenëve thotë se do të merrte vulën në Drejtorinë e Burgjeve.
Prokuroria pretendonte se Labi dhe Zoto i fusnin biznesmenët në tenderime pa shpallje me fitues të paracaktuar dhe në një rast ka qenë zëvendësi që i ka çuar drejtorit 20 mijë euro në zyrë për një nga tenderat fiktivë.
Por ndërkohë që Gjykata për Krime të Rënda e kishte dënuar me 5 vite burg, Gjykata e Apelit vendosi për dhënien e pafajësisë ish-kreun e burgjeve, Artur Zoton.
Vendimi është dhënë më herët nga kjo gjykatë në një seancë që zgjati vetëm pak minuta, ndërsa të pranishëm kanë qenë dhe familjarë të Zotos.
Avokatit të Zotos ka deklaruar pas marrjes së pafajësisë nga të klientit të tij se ky ishte një vendim i pritshëm, pasi i gjithë procesi gjyqësor ishte bazuar mbi dëshminë e vartësit të ish-drejtuesit të burgjeve Iljaz Labi.
(F.GJ/FAXWEB.AL)
Discussion about this post