Ditën e sotme kryeministri Edi Rama ka mbledhur kabinetin qeveriar në zonë e Golemit ku mësohet se ka nisur që prej orës 09:00 të paradites, ndërsa pas përfundimit të saj, ministrant janë takuar me banorë të prekur nga tërmeti i 26 Nëntorit, të strehuar në disa nga hotelet në zonën e plazhit.
Mësohet se Rama është treguar kritik me disa nga ministrant e tij, ndërsa në qendër të diskutimeve ka qenë bilanci për 6-mujorin e parë të vitit si dhe masat e marra për pasojat e tërmetit, ku është kërkuar rindërtimi i shtëpive.
Kryeministri ka kërkuar më shumë angazhim nga ministrat dhe kryetarët e bashkive për përballimin e pasojave të tërmetit ndërsa nuk i ka kursyer kritikat dhe vërejtjet ndryshe sa ka bërë publikisht duke i vlerësuar maksimalisht.
Mësohet se ditën e nesërme do të mblidhet Kryesia e PS-së në orën 09:00 nga ku priten të zbardhen më tepër detaje për mbledhjen e sotme por edhe me hapat konkret që ka parashikuar qeveria në rindërtimin e zonave të dëmtuara nga tërmeti.
Temë e diskutimeve ka qenë edhe marrja e kryesimit të OSBE-së nga 1 Janari, për të cilën ka folur ministry në detyrë për Europën dhe Punët e Jashtme.
Mbledhja është shoqëruar me pushime ndërsa pritet të zgjasë deri në orës 18:00 të pasdites së sotme.
(F.GJ/FAXWEB.AL)
Discussion about this post