Pas ndërmjetësimit nga OKB, më shumë se 1 mijë banorë në Siri zhbllokohen nga rrethimi

Evakuimi është pjesë e marrëveshjes për kthimin e lagjeve të fundit të kryeqytetit nën kontrollin e qeverisë siriane.

Më shumë se 1200 banorë dhe luftëtarë të opozitës të bllokuar në kryeqytetin sirian të Damaskut, lanë lagjet e tyre për në provincën e Idlibit të premten.

VOA shkruan se dhjetëra mijëra njerëz që jetojnë në zonat e rrethuara të Damaskut, Homsit dhe Alepos janë dorëzuar pas disa marrëveshjeve të ngjashme muajt e fundit, dhe ranë dakord të zhvendosen, një lëvizje që kritikët e quajnë “zhvendosje të detyruar”.

OKB-ja ka deklaruar se nuk pranon zhvendosje të popullsisë. Kjo zhvendosje e popullsisë po bëhet në një kohë ku po kryhen bisedimet për paqe në Gjenevë, delegatët do të takohen javën e ardhshme. (B.H/Shuplaka)