Viti që lamë pas ishte viti i saj me plot kuptimin e fjalës. Këngëtarja shqiptare ndryshoi krejtësisht, u bë një tjetër person.
Spikati në “C’est la vie”, u rikthye në muzikë me një pamje krejt të re si pasojë e një operacioni që bëri dhe u kthye kryefjala e temave rozë.
E ftuar në ‘Prive’, Big Mama ka rrëfyer se pas operacionit që ka bërë gjithçka ka ndryshuar, ajo vetë ka rilindur.
“Kam hyrë me këmbët e mia në operacion. Filmova edhe veten, po kisha frikë. I thoja vetes: ‘Po sikur të vdes’? Çdolloj mendimi të vjen në atë moment. Por tani kam rilindur. Më është ndryshuar komplet jeta. E kam lënë cigaren, kam lënë alkoolin, kam lënë ushqimin, kam lënë dashnorin, të gjitha i kam lënë”,-u shpreh Big Mama.
Këngëtarja foli edhe për ndarjen duke u shprehur se ndarja erdhi pasi ajo dhe partneri nuk gjetën një gjuhë të përbashkët dhe nuk funksionoi.
“E përjetova një lidhje, i tregova të gjithëve sepse kjo lidhje ishte më serioze, e dinte edhe familja ime. Ishim në një lidhje gati 1-vjeçare, e pamë që nuk funksiononte, nuk patëm gjuhë të përbashkët, ishim tipe të ndryshme dhe vendosëm t’i japim fund kësaj lidhje”,- tha Big Mama.
(F.M/Faxweb)
Discussion about this post