Pas padisë së Erion Veliajt ndaj Akil Krajës ka reaguar edhe vetë Këshilltari i PD-së në Bashkinë e Tiranës. Akil Kraja është shprehur se Veliaj mashtori qytetarët e Tiranës me çmimin e ujit dhe iu rriti çmimin.
“Një turbullim të padrejtë të gjendjes shpirtërore. Në detyrën tonë ne denoncojmë 40% e rritjes së ujit të Tiranës. Këtë e ka bërë Erion Veliaj. Ai premton se çmimi nuk do të rritet por u rrit, tha se çmimi i autobuzit nuk do të rritet dhe u rrit. Më mirë se faktet çdo fjalë do të ishte tepërt. Veliaj ka thënë në deklaratat e tij të mëparshmse po negocion privatizimin e UKT-së dhe se çmimi i ujit nuk do të rritet, por ja që u rrit.”, u shpreh Akil Kraja, këshilltar i PD-së në Bashkinë e Tiranës.
Ndërsa Kreshnik Çollaku tha se Veliaj dhe Rama kërkojnë që të vendosin diktaturën.
“Në njërën anë është pushteti që pengon hetimet, liron njerëz që janë marrë me trafik ndërkombëtar, dhe nga ana tjetër janë sulmet dhe paditë ndër këshilltarët.
Mes nesh ka dy këshilltarë që janë paditur, një nga një ish-ministre që ka qejf që të luajë me radarët dhe një tjetër që është paditur nga një Kryetar Bashkie që ka qejf që të luajë me taksat e qytetarëve.
Kundrejt Akil Krajës është ngritur një padi nga ana e kreut të Bahskisë, ne jemi sot të gjithë këtu për të thënë se votimi për rritjen e çmimit të ujit është një akt korruptiv me vota të blera.
Kam një thirrje sot për Erion Veliajn dhe Edi Ramën! Nëse mendoni se me dhunë mund të trembni demokratët ju them që e keni shumë gabim, pasi ju nuk e njohni AND-në tonë. Ishim ne që 27 vite më parë përmbysëm etërit e tyre”, u shpreh Çollaku. (J.V/Faxweb)
Discussion about this post