Vetëm pak minuta na ndajnë nga marshimi i komunitetit LGBTI i cili do të vijojë për 45 minuta me rradhë.
Nën moton “Koha e premtimeve skadoi” organizatorët kanë ndryshuar itinerarin me qëllim mospërfshirjen me çadrën e opozitës të ngritur në bulevard. Pritet që ky marshim të fillojë nga minuta në minutën.
“Ne kemi ndryshuar itinerarin tonë, parada jonë nis nga Pallati i Kongreseve për tu kthyer më pas tek Kuvendi, pa shkuar tek çadra. Nuk kemi asnjë punë me pjesën e çadrës, për të kaluar në Bllok tek ura e vogël e Bllokut do të kthehemi përgjatë Lanës dhe do të pedalojmë deri tek ura tjetër ku ndodhet Drejtoria e Policisë për tu kthyer sërish mbrapsht, për ta mbyllur në pikën e nisjes. Përveç komunitetit në çdo vit kemi një numër të madh miqsh që janë heteroseksualë dhe bashkohen me ne për të mbështetur miqtë që janë gay, familjarët e tyre që janë gay.”, u shpreh Karaj, disa ditë më parë për Ora News. (J.V/Shuplaka)
