Policia gjermane është vënë në ndjekje të një shtetasi tunizian që dyshohet se është autori i sulmit në Berlin, ku mbetën të vdekur 12 persona dhe u plagosën rreth 48 të tjerë. Ai është identifikuar si Anis A.
Tuniziani i identifikuar si Anis A. ka lindur në vitin 1992 në qytetin Tataouine të Tunizisë dhe ndodhej në Gjermani gjatë një leje të përkohshme qëndrimi.
Hetuesit gjermanë bëjnë me dije se autoritetet e sigurisë janë vënë në kërkim të tunizianit pas një karte identiteti (ID) që u gjet brenda në kamion.
Ky detaj bëhet i ditur pas lajmit të lirimit të azilkërkuesit pakistanez Naved B., i cili u dyshua fillimisht si autori i sulmit të rëndë. Mësohet se gjatë hetimeve të kryera, nuk janë gjetur prova të konsiderueshme që provojnë fajësinë e tij, ndaj refugjati është lënë i lirë.
Gjithashtu bëhet me dije se gjatë natës, policia arrestoi edhe një tjetër të dyshuar, për ta liruar më pas. (XH.A/SHUPLAKA)
[ngg_images source=”galleries” container_ids=”235″ exclusions=”158,159,160,163,164,165,166,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
