“Pas paktit me Ramën, Basha humbi të drejtën të ankohet për zgjedhjet”

Edhe 20 minuta fillon mbledhja e Kryesisë së Partisë Demokratike, ku do miratohen kandidaturat për kreun e ri të partisë.

Mirëpo para nisjes së mbledhjes, ish-ministri Genc Ruli ka folur sot për “ABC Neës” ku tha se politika aktuale po luhej keq, ndaj ka hequr dorë nga kandidatura.

 “Jam ministri i parë që kam dhënë dorëheqjen në vitet e para të demokracisë. Kur politika luhet keq, unë s’mund të bëhem pjesë e saj. Unë jam ndjerë  pafuqishëm ndaj kësaj politike dhe e kisha detyrim që të tërhiqesha që të mos bëhesha pjesë e saj.

Sa i përket Bashës, ai i habiti të gjithë me atë që bëri. Natyrisht që as unë s’do isha në listë. Në këto zgjedhje pamë që partitë qeveritare u rritën, ndërsa PD-ja ra. ODIHR-i ishte më i fortë se Basha në ankesat për zgjedhjet. Basha e humbi të drejtën e ankimit për zgjedhjet që kur bëri paktin me Ramën.”, tha Ruli duke folur edhe për listat e PD-së. (D.D/Shuplaka)