Ashtu siç ishte paralajmëruar pak ditë më parë nga ministri Damian Gjiknuri, IKMT-ja ka nisur aksionin për prishjen e objekteve në zonën e quajtur mbikalimi i serave, shkozet, Durrës.
‘’Shuplaka” sjell dhe foto nga aksioni në terren. Drejtoresha e IKMT-së Dallëndyshe Bici është shprehur se kjo është vetëm ndalesa e parë.
‘’Kjo është ndalesa e parë për pastrimin e të gjithë aksit Tr-Rrogozhinë. Janë bërë njoftimet paraprake në zbatim me ligjin për këto subjekte që operojnë në afërsi të akseve, nën apo mbikalime”, u shpreh ajo.
Po ashtu janë paralajmëuar karburantet të heqin sinjalet ndriçuese buzë rrugëve që bëhen burim aksidentesh.
“U bëj thirrje të gjithë atyre që me veprimet e tyre kanë cënuar disiplinën dhe sigurinë e akseve rrugore: Keni vetëm 15 ditë kohë që të bëni në mënyrë vullnetare çmontimin e çdo aktiviteti civil/ekonomik pa leje, heqjen e çdo tabele që nuk ka lidhje me sinjalistikën rrugore por e pengon atë. Në përfundim të këtij afati, strukturat përkatëse do të ndërhyjnë në të gjithë akset kombëtare.
Nuk do të ketë asnjë tolerancë. Në përfundim të të gjitha fazave të operacionit, hyrje-daljet e akseve kombëtare, nyjet dhe hapësirat do të pastrohen plotësisht. Ju bëj thirrje të gjithë qytetarëve të na mbështesin në këtë operacion i cili mbi të gjitha synon dhe ka për objektiv rritjen e sigurisë së jetës së tyre duke garantuar zbatimin rigoroz të Kodit Rrugor të Republikës së Shqipërisë” tha Gjiknuri pak ditë më parë.
(E.K/SHUPLAKA)
Discussion about this post