Shkrimtari Agron Tufa, njëkohësisht edhe Drejtor i Institutit për Krimet dhe Pasojat e Komunizmit ka bërë një ankesë në Zyrën e Komisionerit për Mbrojtjen nga Diskriminimi. Tufa pretendon se në mbledhjen e 1 prillit 2019 të Komisionit të Ligjeve në pranë Parlamentit, gjatë shqyrtimit të relacionit lidhur me punën e institucionit që ai drejton, në mënyrë shumë diskriminuese, dhe viktimizuese deputetët e Partisë Socialiste sipas tij, i janë drejtuar jo vetëm atij personalisht, por edhe institucionit qe drejton, duke e quajtur një seksion të Ballit Kombëtar.
Në ankesën e tij, në lidhje me arsyet të cilat e çuan të merrte këtë vendim, Tufa shprehet:
“…. në mbledhje ishin pjesëmarrës vetëm deputetët e grupit të partisë socialiste të cilët diskutuan dhe, në mënyrë shumë diskriminuese, viktimizuese në prani të mediave vizive kombëtare kanë anatemuar jo vetëm institucionin që ankuesi drejton, Institutin e Studimeve të Krimeve kundër Komunizmit por, personalisht drejtuesin Institutit Z. Agron Tufa, duke i thënë: …. Instituti me Agron Tufën në krye është kthyer në një seksion të Ballit Kombëtar, duke marë përsipër të nxijë çdo gjë, dukë përfshirë lufën, hëronjtë, dëshmorët etj…më pas vazhdojnë:…do kërkojm shkarkimin e Agron Tufës derisa ti thërras mendjes, dhe të jetë më i ekulibruar në veprimet e tij….. dhe kështu me këtë fjalor kanë vazhduar për gjithë mbledhjen e komisionit të ligjeve…”.
Sipas Tufës, një rast i tillë është tendencë e qartë diskriminimi dhe se indinjatën ky i fundit ja ka shprehur edhe kreut të Parlamentit, Gramoz Ruçi pas një takimi me këtë të fundit.
Kujtojmë se prej kohësh ekziston një debat midis deputetit të Partisë Socialiste Spartak Braho dhe Drejtorit të Institutit për Krimet dhe Pasojat e Komunizmit shkrimtarit Agron Tufa, ku herëpashere Braho e ka akuzuar Tufën se e ka kthyer institucionin që drejton në një Institucion të Ballit Kombëtar.
Ankesa e Agron Tufës:
