Pas deklaratës së Policisë së Shtetit lidhur me raportimin e situatës gjatë festës së fundvitit, ka reaguar edhe ministri i Brendshëm, Saimir Tahiri.
Përmes një postimi në llogarinë e tij në “Facebook” ai shkruan se ndërrimi i viteve ishte i qetë sa i përket aksidenteve rrugore. Ai shprehet se ndërrimi i viteve ishte vetëm festë, pa asnjë incident.
“Ndërrimi i viteve ishte vetëm festë, pa asnjë incident. Faleminderit qytetarëve për mirëkuptimin dhe besimin. Faleminderit gati 5.000 punonjësve të policisë që i shërbyen qytetarëve për festa. Gëzuar 2017”, shkruan Tahiri.
Pak përpara tij, Policia e Shtetit bëri të ditur se janë shënuar dy vjedhje, 9 të lënduar pa rrezik për jetën dhe asnjë viktimë nga aksidentet rrugore. (XH.A/SHUPLAKA)
Discussion about this post