Ditët e fundit hapja e qendrës më të re tregtare Toptani ka pasur shumë bujë. Kjo falë edhe një marketingu të mirë që i është bërë në të gjitha rrjetet sociale duhet thënë. Qytetarët më shumë të shtyrë edhe nga kureshtja janë dyndur për të vizituar, po sesa kanë shpenzuar për të blerë kjo mbetet të shihet.
Po përveç trafikut të rënduar që e denoncoi dje dhe ‘’Shuplaka’’, një tjetër mashtrim është shfaqur me qytetarët. Këtë herë me çmimet në baret e lokaleve që janë hapur aty.
Çmimet e menysë nuk korrespodojnë fare me çmimet që kërkohen në kuponat tatimorë. Pra ‘’pijeni me mendjen e fjetur lëngun’’ dhe më pas ‘’plasni’’ nga inati me atë që duhet të paguani.
Bëhet fjalë për bar “Fusion”, ku menuja nuk ka pikën e lidhjes me kuponin tatimor.
Kështu, nëse në menu “limonata e gjyshes” kushton 150 lekë, në kuponin tatimor vlera e kësaj limonate është pothuajse dyfishi, 280 lekë.
Qytetari është revoltuar pa masë kur e ka parë rrjepjen që i është bërë krejt haptas, ndërsa kur është ankuar, menaxheri i ka dhënë një justifikim absurd.
Ja çfarë shkruan qytetari për ”JOQ”:
Ja dhe pislliku më i ri i bar fusionit në qendrën tregtare toptani: të lutem publikoje. Menaxheri: Na falni po sot e kemi kuptuar që menuja nuk kuadron me kuponin tatimor! Klienti (unë) më fal po ky quhet mashtrim dhe vjedhje që pasi e piva limonatën më thua që na falni se nuk korrespodojnë menuja me kuponin! Take care and fuck fusion toptan! (E.K/SHUPLAKA)
Discussion about this post