Ditën e sotme një zjarr i vërtetë ka rezultuar seanca plenare. Akuzat mes Ramës dhe Blushit kanë zënë vendin kryesor. Po pas Ramës edhe deputeti socialist Erion Braçe i ka dhënë një përgjigje Blushit duke e konsideruar atë gënjeshtar.
‘’U bë hera e disatë që ka sulme këtu ndaj nesh. Nuk ka pasur para tavolinës qoftë edhe një draft të vetëm, përmes së cilit këta deputetë të shtyheshin që të votonin për armët kimike.
Këtu ai ligj nuk ka ardhur kurrë. (Është fjala për armët kimike). Ta dish këtë dhe të vish në sallën e Kuvendit për të sulmuar kolegët e tu nuk është fare e ndershme.
Dëgjova pak më parë që këtu në këtë sallë paska njerëz që kanë marrë tendera. E sfidoj dhe nëse gjen një deputet të vetëm të Partisë Socialiste që ka marrë tendera të gjithë ne le të vihemi para drejtësisë. E treta është një fakt i thjeshtë që Enveri ndenji jo 45 vite po 40 se e mori zoti.
Kur thotë që do jepte jetën i them që ai nuk është as Ziver, as Aleks dhe asnjë nga ata që dhanë jetën. Ai jo vetëm që nuk ishte aty po ishte dhe shumë larg që andej’’, deklaroi Braçe. (E.K/SHUPLAKA)
Discussion about this post