Pas Ramës, miku i tij i dikurshëm dhe ‘armiku’ i sotëm do të jetë te Rakipi

Pas javës së kaluar ku kryeministri Rama qe i ftuar në studion e Rakipit, një tjetër politikan pritet të jetë pjesë e studios.

Sonte, drejtuesi i lëvizjes ZGJIDHJA, Koço Kokëdhima, do të jetë i ftuar në emisionin “Të paekspozuarit” të drejtuar nga gazetari Ylli Rakipi.

Sipas promos së përgatitur nga stafi i emisionit, të ftuar në studio do të jenë edhe analisti Fatos Lubonja dhe gazetari Robert Rakipllari.
“TË GJITHË NË KRIZË” e ka titulluar Rakipi emisionin e sotëm dhe në pjesën e dytë të tij Kokëdhima do t’u përgjigjet pyetjeve për lëvizjen politike “Zgjidhja”.

Ajo ka nisur prej muajsh brenda PS-së, çfarë mendon për Edi Ramën, për krizën, për Ilir Metën dhe për opozitën; përse u takua me kryetarin e PD-së, Lulzim Basha dhe së fundi çfarë po ndodh në Shqipëri, vendin ku nuk ndodh asgjë dhe ndodh gjithçka. (E.K/SHUPLAKA)