Deklarata e Monika Kryemadhit nga Lezha, e cila u shpreh se “reforma në arsim ka probleme, ndaj nuk duhet të biem pre e kompromiseve të tilla” nuk u mirëprit nga ministrja e Arsimit, Lindita Nikolla.
“Dhëmbë për dhëmbë”, Nikolla u kundërpërgjigj duke u ndalur edhe tek puna e Ilir Metës, bashkëshortit të Kryemadhit. Megjithatë, duket se Monika Kryemadhi nuk ka ndërmend të tërhiqet.
Përmes një reagimi në llogarinë e saj në “Facebook” në dukje drejtuar studentëve, ajo shprehet se nuk duhen bërë compromise që kushtojnë, pasi ministrat dhe deputetët ikin e vijnë, por arsimimi i mirë mbetet.
“Asnjëherë mos bëni kompromis në kurriz të dijeve tuaja. Ministrat dhe deputetët ikin dhe vijnë dhe ajo çka ju mbetet është arsimimi i mirë.
Besoni gjithmonë në bindjet dhe idetë tuaja dhe kurrë mos besoni se ai që ka më shumë pushtet ka gjithmonë të drejtë.”, është shprehur ajo.
(XH.A/SHUPLAKA)
Discussion about this post