Deputetët e Partisë Demokratike kanë kanë nisur të gjithë të firmosin për djegien e mandateve parlamentare.
Ndër të parët që firmosën dorëheqjen për mandatin ishte deputeti i qarkut të Korçës Ervin Salianji, i cili e ka mbështetur i pari propozimin për djegien e mandateve.
Ndërkohë në një foto të mbërritur në faxweb.al, shihet edhe deputetja Grida Duma e cila po firmos për dorëheqjen nga mandati si deputete.
Në deklaratën e dorëheqjes shkruhet edhe motivacioni i saj i cili është gjendja e emergjencës kombëtare.
Pjesë e atyre që po vijojnë të hedhin firmat janë edhe ata që kanë qenë në listën e kësaj force politike në garën e zgjedhjeve të përgjithshme të vitit 2017.
Kjo vjen pasi Këshilli kombëtarë i Partisë Demokratike vendosi unanimisht pro këtij propozimi të bërë nga kreu i PD-së Lulzim Basha dhe i votuar me votë unanime nga grupi parlamentarë.
Mësohet se këto deklarata do ti dërgohen Kuvendit ku do të finalizohet edhe i gjithë procesi, ku më pas çështja do ti kalojë Komisionit Qëndror të zgjedhjeve.
(M.Q/Faxweb.al)
Discussion about this post