Me sa duket konfliktet me Shtetet e BAshkuara nuk I mjaftojnë Iranit pasi Garda Revolucionare kërcënoi me sekuestrimin e një anije angleze si kundërpërgjigje për ndalimin e një naftëmbajtëse iraniane nga Marinarët Mbretëror në Gjibraltar.
Cisterna lundruese u ndalua disa ditë më parë dhe autoritetet britanike po marrin në pyetje ekuipazhin e saj për të kuptuar natyrën e ngarkesës dhe destinacionin e saj. Ndërkohë naftëmbajtësja u sekuestrua për shkak të dyshimeve të forta se po transportonte naftë në Siri, duke shkelur kështu sanksionet ndërkombëtare.
“Irani nuk do të dorëzohet ndaj presionit të SHBA dhe nuk do të braktisë qëllimet e tij edhe nëse bombardohet”, ka thënë Presidenti Hassan Rouhani rreth një muaj më parë, duke rritur luftën e fjalëve midis Republikës Islamike dhe Shteteve të Bashkuara.
Më parë, kreu i lartë ushtarak i Iranit ka deklaruar se qëndrimi midis Teheranit dhe Uashingtonit ishte një “përplasje e vullneteve”, duke paralajmëruar se çdo “aventurizëm” i armikut do të përmbushë një reagim dërrmues.
Tensionet po shfaqen midis dy vendeve pasi Uashingtoni dërgoi më shumë forca ushtarake në Lindjen e Mesme në një shfaqje forcë kundër asaj që zyrtarët e SHBA thonë se janë kërcënime iraniane ndaj trupave dhe interesave të saj në rajon, shtuar kësaj Republika Islamike ka ndezur gjakrat edhe me Britaninë.
(F.GJ/FAXWEB.AL)
Discussion about this post