Tre shqiptarë janë konfliktuar në një autobus në Cesano të Italisë, duke përhapur kështu panik edhe tek pasagjerët e tjerë.
Ngjarja ka ndodhur mëngjesin e së dielës, ku tre janë parë duke debatuar me njëri- tjetrin para autobusit, në gjuhën shqipe.
Konflikti mes tyre degradoi deri në përdorimin e shisheve të qelqit si armë kundër njëri-tjetrit dhe si pasojë njëri prej tyre mbeti i plagosur.
Mediat italiane shkruajnë se i plagosuri është dërguar me urgjencë në spital. Nga ana tjetër, dëshmitarët thonë se përveç shishe së qelqit sulmuesit kishin dhe një thikë. Ndërkohë policia italiane ka nisur hetimet për të zbardhur detajet e mëtejshme të ngjarjes. (D.D/Shuplaka)
Discussion about this post