Pas shkarkimit të Koço Kokëdhimës si sekretar për Reformën Strukturore dhe Emigracionit, reagon ish-këshilltari i Nanos, Ylli Dylgjeri.
Në një status të shkurtër sot Dylgjeri solidarizohet me Kokëdhimën, duke thënë hapur se ”nuk do tallet më me të”.
”Nga sot jam me ty Koço!
Dje u shkarkua Koço nga funksionet në PS. Koço sot nuk ka më grada.
Sot Ai përfaqëson veten. Nga sot Unë jam me ty Koço! Jam si lagjar, jam si qytetar, jam si shtetar, jam si atdhetar, jam si…fanar për të ndriçuar e mbrojtur të drejtat Tua. Nuk tallem më me ty Koço. Nuk të përbuz më. Nuk të përflas. Nuk të barazoj me të keqen. Ti je sot, një nga 3 milionë shqiptarët që kërkon më shumë drejtësi, barazi dhe ligj. Sot starton vrapi yt për të më kapur mua dhe shtetin në gabim. Sot e pas Ti ke gjithmonë të drejtë. Sot, Unë jam ngarkuar edhe me Ty. Sot Ti je një relikë e varur në murin e PS-së.
Sot unë jam me ty Koço!”, shprehet Dylgjeri.
