Pas shkarkimit nga posti i Ministrit të Brendshëm duket se nuk do të jetë një periudhë e qetë kjo për Saimir Tahirin. Tashmë ish-ministri është thërritur të dëshmojë nga Gjykata e Krimeve të Rënda.
Nga ajo që shkruan ‘’Shqiptarja.com’’, Tahiri thërritet për të dëshmuar në lidhje me rastin e kërcënimit të rektorëve Dhori Kule dhe Mynyr Koni.
Ai është thirrur për të dëshmuar në lidhje me masat dhe mënyrën së si është vënë në dijeni për kërcënimin e dy rektorëve në prill të 2016.
Mësohet se Tahiri do të merret në pyetje brenda javës që vjen. Ndërkohë ende nuk dihet qëndrimi që do të mbajë Tahiri.
Më herët, drejtori i Policisë së Tiranës, Ervin Hodaj ka dhënë deklarime mbi ditën e shoqërimit të Emiljano Shullazit pas kërcënimit të 2 rektorëve. (E.K/SHUPLAKA)
Discussion about this post