”Pas shumë vitesh…lamtumirë lajme!” , zbulohet çfarë do bëjë tani e tutje Juli Xhokaxhi

Juli Xhokaxhi është një nga folëset dhe gazetaret më me përvojë në televizionet shqiptare por si çdo fillim, e ka edhe një fund.

Sot, vetë Xhokaxhi ka shkruar se i duhet t’i japë ”Lamtumirë” transmetimit të lajmeve nga studio e ”ABC News” dhe me këtë rast ”Shuplaka” u hodh pak në veprim për ta pyetur se me çfarë do merret tani e tutje. Sigurisht me shpresën që të mos ketë hequr dorë nga gazetaria.

”Jo, jo”, të siguron Juli për merakun se mos e ka lënë gazetarinë, teksa të shpjegon se do vazhdojë të qëndrojë në ”ABC News” por me një përgjegjësi më të madhe.

Gazetarja nga sot e tutje është duke u përgatitur për emisionin e saj politik, që do të transmetohet 2 herë në javë në orën 20:00, po në ”ABC”

”Po punojmë me spotin, më prit për detaje të tjera”, na mban pezull Xhokaxhi, ndërsa shton se emisioni do ketë: ”Debat politik në studio, intervista në terren dhe vëzhgim në thelb i të pathënave të politikës”. 

(V.G/SHUPLAKA)